تصاعد التوترات

امريكا قررت تخربها عالكل ..

من شوية استهدفت الجسور بتاعت ايران، منها جسر اسمه "كهورستان" بيربط بين بندر عباس وهرمزجان، ومحطة قطار، وده معناه ان ده استهداف للبنية التحتية، مش بس عزل المناطق جغرافيا او انهاكها اقتصاديا، ولا استهداف اهداف مدنية بيجرمه القانون الدولي، انما بيكون اشارة لغزو بري محتمل.

في المقابل الحرس الثوري اعلن قبلها انه لو تم استهداف البنية التحتية، فكل البنى التحتية هتبقا اهداف ليهم، معنى كدة اننا مش بس قدام واحد من اخطر التصعيدات من بداية الحرب، انما لو الموضوع ده كمل هنشوف يومين من اصعب ما يكون على دول الخليج، بعد ما وصلت امريكا لادنى مستوياتها الاخلاقية، مفيش مستوى بعد كدة.

ربنا يستر وتتلم الليلة دي بسرعة.